(escrito por Tuutikki Tolonen)
A porta da clase soa. Os alumnos vólvense cara o son. Un home pequeno e vestido de xeito peculiar permanece na porta.
—Perdoe, quen é vostede? —pregunta a profesora sorprendida.
O que acaba de chegar mira con severidade arredor da clase.
—Son o cabaleiro dos dereitos de autor —responde.
—Como di? —pregunta a profesora. Alguén solta unha risadiña.
O nome saca unha insignia que parece oficial do peto do peito e axítaa no aire.
—Son o cabaleiro dos dereitos de autor, e aquí cometeuse unha infracción que debe resolverse. Máis concretamente, unha serie de infraccións.
Todos gardan silencio.
—Unha serie de infraccións? —repite a profesora en voz baixa.
—Si. E o culpable está nesta sala.
Os alumnos míranse. O cabaleiro continúa:
—Noutras palabras, alguén desta clase non coñece a lexislación sobre a propiedade intelectual, ou incluso peor, non lle importa o máis mínimo.
—Quen? —murmura a profesora.
—Iso é o que vin saber —responde o home.
Alcalá, 21, 2.º dcha.
28014 Madrid
