Literatur lanen erabilera

Zer dira literatura-obrak?

Literatura-obretan, besteak beste, liburuak, artikuluak, ipuinak, olerkiak, tesiak, hitzaurreak eta antzerki-testuak sartzen dira.

Jabetza Intelektualari buruzko Legea, 10. art.

Literatura-obrak irakaskuntzan erabiltzea

Libreki erabil daitezke:

• Informazio soila, ideiak, printzipioak, teoriak
• Babes-epea amaituta duten obrak
• Legeak, erregelamenduak eta agintarien ebazpenak
• Aipuak, Jabetza Intelektualari buruzko Legearen 32.1 artikuluaren arabera

Ikastetxeentzako CEDRO lizentziarekin honako hauek egin daitezke:

• Inprimatutako argitalpen-zatiak fotokopiatu eta digitalizatu
• Ikasleen eta langileen eskura jarri intranet batean.

Erabil daiteke egilearen baimenarekin:

• Lizentzia ireki baten bidez –esate baterako, Creative Commons lizentziaren bidez– egileak emandako erabilera-baimena duten materialak
• Edozein material, badin eta egile-eskubideen titularrari zuzenean eskatu bazaio obra erabiltzeko baimena.

Komunikazio publikoa

Komunikazio publikoko egintzetan, hainbat laguni obra baterako sarbidea ematen zaie, pertsona horietako bakoitzari aurrez obra horren alerik banatu gabe; hala, komunikazio publikoko egintzak dira, esate baterako, irakurketa dramatizatu bat egitea, bideo bat jartzea, ikasleei musika edo filmak jartzea eta abar.

Komunikazioa ez da publikotzat joko baldin eta eremu guztiz etxekoan egiten bada eta eremu hori ez badago inolako hedapen-saretan integratuta edo hari konektatuta. Irakasle batek liburu bat irakurtzen duenean edo klasean poesia bat errezitatzen duenean, komunikazio-egintza publiko bat egiten du. Testuak edo irudiak proiektatzen dituenean edo ikasleei musika edo filmak jartzen dizkienean ere komunikazio-ekintza publiko bat egiten du. Oro har, baimena behar da edozein emanaldi publiko egiteko.

Antzoki batean obra dramatiko bat interpretatzea komunikazio publikoko ekintza bat da. Horretarako baimena SGAEn lor daiteke. Baimenaren derrigortasunari dagokionez, egintza publikoa bada, berdin dio ordaindua edo doakoa den.

Irakasleak liburu baten irudiak edo laburpenak kopiatu edo itsatsi nahi baditu bere materialean, horretarako baimena behar da, aipu-muga aplikatu ahal denean izan ezik. Irakaskuntzan bideoak online proiektatzeko, baimena behar da.

Jabetza Intelektualari buruzko Legea, 20. art.

Estekak sortzea

Eskubideen titularrak baimendutako materialera hiperesteka zuzenak egin daitezke linean. Adibidez, irakasle batek esteka bat sar dezake bere materialean edo ikastaroko plataforman, ikasleek aukera izan dezaten material horren jatorrizko webgunera sartzeko.