A idea do proxecto é facer un xogo en parellas ou en grupos pequenos onde se aprendan os dereitos de autor. Os alumnos deseñarán o contido do seu propio xogo, buscarán información sobre os dereitos de autor, farán as preguntas do xogo, redactarán as regras e debuxarán o taboleiro de xogo, codificarán ou prepararán o xogo doutro xeito. Unha vez rematados os xogos, poderán xogar xuntos con toda a clase.
A quen vai dirixido: Primaria, ESO, Bacharelato e Formación Profesional
No proxecto, pode facerse traballo en equipo con diferentes materias. O proxecto é idóneo, en particular, para as materias de informática, lingua española e literatura, artes visuais, ciencias sociais, historia, así como matemáticas. O proxecto está relacionado cunha ampla gama de coñecementos.
O xogo pode converterse nun xogo de mesa ou de cartas, pode prepararse un cuestionario, codificarse o propio xogo ou usarse aplicacións listas para usar. Esta guía non proporciona instrucións para a codificación do xogo ou distintas aplicacións. Porén, podes atopar instrucións buscando en Internet ou podes pedir consello ao profesor.
Pensa en que tipos de xogos pode haber. Que che parecería un xogo divertido e axeitado para aprender os temas dos dereitos de autor?
Pensa en como se gaña no teu xogo. En moitos xogos, o gañador é o que chega antes á meta ou conseguiu máis puntos.
Usa xogos coñecidos como fonte para as túas ideas: O Trivial Pursuit funciona de xeito diferente a Estrela de África. Un pon a proba os coñecementos e, no outro, búscase unha pedra preciosa.
Pensa en como funciona o teu xogo. Lánzanse os dados, levántanse cartas ou faise xirar unha frecha, acumúlanse puntos ou complétanse misións? Fas un percorrido a seguir desde a casa de saída ata a de meta ou é posible moverse no taboleiro de xogo en diferentes direccións ou xirar arredor do taboleiro? Ou estás codificando un videoxogo onde se avanza dun nivel a outro ou se responde a preguntas dun cuestionario?
Podes aproveitar as ideas dos xogos xa existentes. As ideas non están protexidas, mais non podes copiar o texto, as imaxes, o taboleiro de xogo, etc. doutro xogo ao teu propio xogo.
En primeiro lugar, fai un bosquexo do taboleiro de xogo en papel. Podes facer o taboleiro de xogo de cartón ou de distintos materiais reciclados. Podes aproveitar diferentes figuras pequenas (animais de plástico, bonecos Lego, pezas de xogos antigos, etc.). Tamén podes codificar o xogo no ordenador.
En Internet, hai modelos de xogos de mesa preparadas para imprimir e xeradores de xogos de mesa cos que podes crear o teu propio modelo de xogo.
http://www.toolsforeducators.com/boardgames/
http://people.uncw.edu/ertzbergerj/word_games.html
http://donnayoung.org/homeschooling/games/game-boards.htm
Tamén podes usar aplicacións listas para facer cuestionarios, como Kahoot, Quizlet ou Socrative.
O obxectivo deste xogo consiste en aprender sobre os dereitos de autor. Os dereitos de autor poden aprenderse a través do xogo, por exemplo, con axuda de preguntas de cuestionario ou afirmacións. Por exemplo, no xogo, pode haber cartas que conteñan preguntas ou afirmacións, cuxas respostas determinan como progresa o xogador no taboleiro de xogo ou cantos puntos gaña.
Busca en Internet información sobre os dereitos de autor. Considera cales son os coñecementos fundamentais nos dereitos de autor. Que deberiades aprender ti e os teus compañeiros de clase sobre os dereitos de autor mentres xogades?
Podes atopar os consellos para buscar información en Primaria, por exemplo, aquí:
https://opentunti.fi/plans/show/3757/mediataidot-4lk-tiedonhaku
As preguntas poden ser, por exemplo, de cuestionario con 3-4 opcións de resposta e só unha delas correcta. As preguntas tamén poden ser afirmacións correctas ou incorrectas ou enigmas con imaxes.
Podes familiarizarte cos cuestionarios e xogos na Aula do Dereito de Autor e o sitio web Tekijänoikeus.fi, e buscar alí ideas para as preguntas do teu xogo.
www.www.auladerechodeautor.org
https://tekijanoikeus.fi/tietovisat/
Modelo para preguntas de cuestionario:
Quen se considera un autor?
Dous modelos para tarxetas de actividades:
a) Escoitas a música da túa banda favorita en Spotify. Disto, o artista recibe unha parte do pagamento mensual e de publicidade. Avanzas unha casa.
b) Gravaches un vídeo dun concerto da túa banda favorita e decides compartilo en YouTube. Isto non está permitido sen a autorización dos creadores de música e a banda. Polo tanto, o vídeo eliminarase de YouTube. Retrocedes dúas casas coa túa ficha e quedas unha quenda a pensar como poderías actuar para non vulnerar os dereitos de autor dos outros.
Antes de publicar un xogo, adoita facerse unha demostración na que se xoga e se pon a proba. O obxectivo é asegurarse de que as instrucións, as regras e as preguntas do xogo sexan fáciles de entender e que todo funcione correctamente. Tamén podes pedir a outra persoa que probe o teu xogo.
Se o desexas, podes compartir o xogo ou fotos del, facer vídeos de como se fixo, etc. nas redes sociais. Se creaches o xogo xunto con outras persoas, todos vós deberedes estar de acordo con que o xogo poida compartirse ou publicarse en Internet ou nas redes sociais.
Lembra que precisas o permiso de todos os creadores do xogo e dos seus titores para compartir o xogo ou as fotos e vídeos tomados del nas redes sociais.
Ademais, lembra indicar os nomes de todos os creadores do xogo e comproba que tes os permisos necesarios para usar e compartir obras creadas por outras persoas, como imaxes ou música. Os dereitos de autor pertencen ao autor!
Ao compartir en redes sociais, usa #xogodedereitosdeautor #auladodereitodeautor e a etiqueta @CEDROenlinea.
Alcalá, 21, 2.º dcha.
28014 Madrid
